Eldra efni fjármálastöðugleikaráðs (2014-2019)

Hinn 1. janúar 2020 breyttist hlutverk fjármálastöðugleikaráðs með sameiningu Seðlabanka Íslands og Fjármálaeftirlitsins (sjá efni fjármálastöðugleikaráðs frá 2020 til dagsins í dag). Fram að þeim tíma hafði fjármálastöðugleikaráð m.a. beint tilmælum til Fjármálaeftirlitsins um að leggja á eiginfjárauka og gefið álit á reglum Fjármálaeftirlitsins um hámark veðsetningarhlutfalls. Hér má finna þau tilmæli og álit, auk fundargerða og fréttatilkynninga fjármálastöðugleikaráðs fram að 1. janúar 2020.

Heimild til þess að setja reglur um hámark veðsetningarhlutfalls fasteigna og hámarka heildarfjárhæðar fasteignaláns eða greiðslubyrðar þess í hlutfalli við tekjur neytenda var veitt Fjármálaeftirlitinu í lögum nr. 118/2016 um fasteignalán til neytenda, að fengnu áliti fjármálastöðugleikaráðs. Heimildin tók gildi 1. apríl 2017 og slíkar reglur voru settar í fyrsta skipti 20. júlí 2017. Fjármálastöðugleikaráð gaf álit á þeim reglum á fundi sínum 20. júní sama ár.