A.12. Jafnræði til náms
| Aðgerðinni er lokið | |
Fréttir af aðgerðinni
Janúar 2024 Sett hafa verið á fót umbótaverkefni sem miða að auknum gæðum náms og bættum stuðningi við börn og ungmenni. Efnt var til átaks sem leitt hefur af sér fjölgun útskrifaðra kennara. Aðgerðir til að auka hæfni kennara fela m.a. í sér birtingu nýs hæfniramma með viðmiðum um almenna og sérhæfða hæfni kennara og skólastjórnenda. MRN fjármagnar Menntafléttuna þar sem m.a. eru í boði rafræn starfsþróunarnámskeið fyrir fagfólk á öllum skólastigum um land allt.
Nóvember 2022 Hér er að finna reglugerð nr. 1355/2022 um hæfniramma með viðmiðum fyrir almenna og sérhæfða hæfni kennara og skólastjórnenda við leik-, grunn- og framhaldsskóla.
Tengiliður
Guðni Olgeirsson, mennta- og barnamálaráðuneyti - gudni.olgeirsson@mrn.is
Aðgerðin
Markmið: Að aðgengi verði aukið að kennurum með sérþekkingu í tilteknum fag¬greinum og á tilteknum námssviðum á grunn- og framhaldsskólastigi.
Stutt lýsing: Nemendur hafi aðgengi að sérfræðiþekkingu kennara með sérhæfingu í tilteknum faggreinum eða á tilteknum námssviðum, kennslu og kennsluráðgjöf, m.a. stafrænt, svo að jafnræði þeirra til náms óháð landfræðilegri staðsetningu verði tryggt eins og kostur er. Mönnun í tilteknum faggreinum og á tilteknum námssviðum í grunn- og framhaldsskólum verði kortlögð og þörf fyrir rafræna kennslu og kennsluráðgjöf metin.
- Ábyrgð: Mennta- og barnamálaráðuneytið.
- Framkvæmdaraðili: Menntamálastofnun, Samband íslenskra sveitarfélaga og Grunnur – félag fræðslustjóra og stjórnenda skólaskrifstofa.
- Dæmi um samstarfsaðila: Háskólar, fagfélög skólastjórnenda og kennara og fyrirtæki í stafrænni þróun tæknilausna á sviði velferðar- og menntamála.
- Tímabil: 2022–2026.
- Tenging við aðrar stefnur/áætlanir: Menntastefna, þingsályktun um barnvænt Ísland.
- Tenging við heimsmarkmið Sameinuðu þjóðanna: Styður markmið 4, einkum undirmarkmið 4.1, 4.3, 4.4, 4.5 og 4.7.
- Tillaga að fjármögnun: Mennta- og barnamálaráðuneytið.