Formennska Íslands í Norrænu ráðherranefndinni 2023

NORÐURLÖND - AFL TIL FRIÐAR

Yfirskrift formennskuárs Íslands í Norrænu ráðherranefndinni árið 2023 er: Norðurlönd – afl til friðar.
Í formennskutíð Íslands verður unnið að áherslusviðunum þremur í framkvæmdaáætlun Norrænu ráðherranefndarinnar um græn, samkeppnishæf og félagslega sjálfbær Norðurlönd. Á sama tíma verður einnig varpað ljósi á mikilvægi friðar sem undirstöðu mannréttinda, velferðar, kvenfrelsis og umhverfis- og loftslagsverndar.

- Nánar...

Friður

Friður gegnir lykilhlutverki í að gera Norðurlönd græn, samkeppnishæf og félagslega sjálfbær. Norrænu ríkin hafa komið fram saman á alþjóðavettvangi sem boðberar friðar og hvatt til alþjóðlegra samninga um frið og afvopnun. Áhrifa innrásar Rússlands í Úkraínu gætir um alla Evrópu og víðar og staða öryggismála á Vesturlöndum er gjörbreytt. Við slíkar aðstæður er samstaða og samvinna norrænu þjóðanna afar mikilvæg.
- Nánar...

Græn Norðurlönd

Á formennskuárinu er áhersla lögð á að efla samstarf um sjálfbæra þróun í loftslagsmálum, málefnum hafsins og við innleiðingu á hringrásarhagkerfinu. Reynsla og árangur Íslands á sviði kolefnisföngunar og endurnýjanlegrar orku er góður vegvísir.
- Nánar...

Samkeppnishæf Norðurlönd

Á formennskuárinu er lögð áhersla á að allir íbúar Norðurlandanna eigi kost á að vera virkir þátttakendur í stafrænni þróun og geti nýtt möguleika hennar, sem og tekið þátt á vinnumarkaði, og þannig aukið viðnámsþol samfélaganna og grænan hagvöxt.
- Nánar...

Félagslega sjálfbær Norðurlönd

Á formennskuárinu er lögð áhersla á norrænt samstarf í heilbrigðismálum, sérstakleg hvað varðar heilsuviðbúnað og afhendingaröryggi. Jafnrétti og réttindi hinsegin fólks eru áherslumál, sem og mat á samþættingu kynja- og jafnréttissjónarmiða á tímum grænna umskipta, sem einnig verða að vera réttlát.
- Nánar...

FRÉTTIR

Fleiri fréttir um formennskuárið

FORMENNSKUÁÆTLUN

VILTU FRÆÐAST UM ...

Formennska Íslands 2023