Efnisorð
Tegund

Leita eftir efnisorðum

Sýnir 351–400 af 533
Raða eftir:
21. des. 2018Félags- og húsnæðismálaráðuneytið, Félags- og fjölskyldumál

Nýtt meðferðarheimili fyrir börn í Garðabæ

Ásmundur Einar Daðason, félags- og jafnréttismálaráðherra, Heiða Björg Pálmadóttir, forstjóri Barnaverndarstofu og Gunnar Einarsson, bæjarstjóri í Garðabæ, undirrituðu í dag sameiginlega viljayfirlýsingu um uppbyggingu nýs meðferðarheimilis fyrir börn í Garðabæ. Ásmundur Einar segist hafa lagt mikla áherslu á úrbætur í þessum málaflokki og það sé afar ánægjulegt að búið sé að finna heimilinu stað.

19. des. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Ásmundur Einar fundaði með Peter Eriksson ráðherra húsnæðismála í Svíþjóð í dag

Ásmundur Einar Daðason, félags-og jafnréttismálaráðherra, átti fund í dag með Peter Eriksson, ráðherra húsnæðismála og stafrænnar þróunar í Svíþjóð og Anders Gertsen, skrifstofustjóra hjá Norrænu ráðherranefndinni. Á sameiginlegum fundi húsnæðismálaráðherra Norðurlanda fyrr á þessu ári samþykktu löndin að hefja vinnu við samræmingu byggingarreglna. Ísland mun taka við formennsku í Norrænu ráðherranefndarinnar á næsta ári og kemur það í hlut Íslands að fylgja þessu verki eftir.

18. des. 2018Félags- og húsnæðismálaráðuneytið, Félags- og fjölskyldumál, Almannatryggingar og lífeyrir

Hámarksgreiðslur í fæðingarorlofi hækka um 80.000 kr. á mánuði

Ásmundur Einar Daðason, félags- og jafnréttismálaráðherra, hefur undirritað reglugerð um hækkun á greiðslum til foreldra í fæðingarorlofi frá 1. janúar 2019. Óskertar greiðslur hækka úr 520.000 kr. í 600.000 kr. á mánuði. Ásmundur Einar segir þessa hækkun mikilvæga og sýna í verki áherslur stjórnvalda á að efla stuðning við börn og barnafjölskyldur.

17. des. 2018Félags- og fjölskyldumál, Félags- og húsnæðismálaráðuneytið

Stóraukin framlög í þróunarsjóð innflytjendamála í þágu barna

Auglýst er eftir umsóknum um styrki úr þróunarsjóði innflytjendamála. Framlög til sjóðsins hafa verið aukin úr 10 milljónum króna í 25 milljónir króna samkvæmt ákvörðun Ásmundar Einars Daðasonar félags- og jafnréttismálaráðherra sem leggur áherslu á að veittir verði styrkir til verkefna í þágu barna og ungmenna. Umsóknarfrestur er til 31. janúar næstkomandi.

14. des. 2018Félags- og húsnæðismálaráðuneytið, Vinnumál, Félags- og fjölskyldumál

Félagsmálaráðherra skipar í þrjár stöður embættismanna

Ásmundur Einar Daðason, félags- og jafnréttismálaráðherra, hefur ákveðið hverjir munu skipa embætti ráðuneytisstjóra í nýju félagsmálaráðuneyti sem tekur til starfa um áramótin, embætti skrifstofu fjárlaga í ráðuneytinu og embætti forstjóra Vinnueftirlits ríkisins. Einstaklingarnir sem í hlut eiga eru allir starfandi embættismenn en hafa orðið við ósk ráðherra um að taka að sér framangreindar stöður á grundvelli heimildar um flutning embættismanna í starfi í lögum um réttindi og skyldur opinberra starfsmanna.

14. des. 2018Félags- og húsnæðismálaráðuneytið, Félags- og fjölskyldumál

Samningur um starfsemi Aflsins á Akureyri

Aflið á Akureyri, samtök gegn kynferðis- og heimilisofbeldi, fær 18 milljóna króna framlag til að standa straum af starfsemi sinni sem felst í þjónustu við þolendur kynferðis- og heimilisofbeldi, samkvæmt nýjum samningi sem Ásmundur Einar Daðason, félags- og jafnréttismálaráðherra, hefur gert við samtökin. Ásmundur Einar og Hjalti Ómar Ágústsson fyrir hönd Aflsins undirrituðu samninginn á Akureyri í gær. Samningurinn er til eins árs.

13. des. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Sjö sveitarfélög taka þátt í tilraunaverkefni um húsnæðisuppbyggingu á landsbyggðinni

Ásmundur Einar Daðason, félags- og jafnréttismálaráðherra, kynnti í dag á fundi á Húsavík þau sjö sveitarfélög sem verða fyrst til að taka þátt í tilraunaverkefni um uppbyggingu íbúðarhúsnæðis á landsbyggðinni. Meðal fyrirmynda að verkefninu eru lausnir frá Noregi en stórt hlutfall sveitarfélaga þar hefur tekist á við sambærilegar áskoranir og íslensk sveitarfélög á landsbyggðinni.

06. des. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Frosti Sigurjónsson leiðir vinnu vegna fyrstu kaupa á fasteignamarkaði

Ásmundur Einar Daðason, félags- og jafnréttismálaráðherra, hefur skipað Frosta Sigurjónsson formann starfshóps sem útfæra á sértækar aðgerðir til að auðvelda ungu og tekjulágu fólki að kaupa sér íbúðarhúsnæðis. Hópurinn er stofnaður í framhaldi af tillögu ráðherra sem samþykkt var á fundi ríkisstjórnar nýlega.

05. des. 2018Félags- og húsnæðismálaráðuneytið, Vinnumál, Félags- og fjölskyldumál

Samningur um þjónustu Hugarafls

Félags- og jafnréttismálaráðherra fyrir milligöngu Vinnumálastofnunar hefur gert nýjan samning við Hugarafl til tveggja ára um að sinna starfsendurhæfingu fyrir einstaklinga með geðraskanir sem þurfa öflugt utanumhald og eftirfylgd. Sérstök áhersla verður lögð á ungt fólk sem uppfyllir ekki skilyrði fyrir þjónustu lokaðra endurhæfingarúrræða.

29. nóv. 2018Félags- og húsnæðismálaráðuneytið, Félags- og fjölskyldumál

Birting nýrra reglugerða sem lúta að þjónustu við fatlað fólk

Birtar hafa verið fimm nýjar reglugerðir félags- og jafnréttismálaráðherra sem allar snúa að því að bæta þjónustu við fatlað fólk og efla eftirlit með aðbúnaði á heimilum og stofnunum sem þjóna fötluðum. Reglugerðirnar eru settar með stoð í lögum um þjónustu við fatlað fólk með langvarandi stuðningsþarfir sem tóku gildi 1. október síðastliðinn.

05. nóv. 2018Félags- og húsnæðismálaráðuneytið, Fatlað fólk, Félags- og fjölskyldumál

Minnt á ráðstefnuna Tímamót í velferðarþjónustu

Sjálfstæði, nýsköpun og samvinna eru lykilhugtök ráðstefnunnar Tímamót í velferðarþjónustu sem haldin verður í Reykjavík dagana 7. - 8. nóvember næstkomandi. Fjallað verður um velferðarþjónustuna á Íslandi, stöðu hennar og verkefnin framundan. Skráning á ráðstefnuna stendur yfir. Aðgangur er ókeypis og allir velkomnir.

31. okt. 2018Dómsmálaráðuneytið, Mannréttindi og jafnrétti, Félags- og fjölskyldumál

Jafnréttisvogin kynnt á ráðstefnunni Rétt´upp hönd

Ásmundur Einar Daðason, félags- og jafnréttismálaráðherra, ræddi um hlut kvenna í stjórnunarstöðum stofnana og fyrirtækja og hver þróunin hefur verið síðustu ár í þessum efnum á ráðstefnu Félags kvenna í atvinnulífinu (FKA) í dag. Á ráðstefnunni var fjallað um hreyfiaflsverkefnið Jafnvægisvogina sem FKA vinnur að samkvæmt samstarfssamningi við velferðarráðuneytið.

30. okt. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Skýrsla ráðherra lögð fram á húsnæðisþingi

Ásmundur Einar Daðason, félags- og jafnréttismálaráðherra, lagði í dag fram skýrslu sína um stöðu og þróun húsnæðismála á húsnæðisþingi sem haldið er í dag. Hægt er að fylgjast með þinginu í beinni útsendingu á vefnum. Ráðherra ávarpar þingið kl. 13.00 í dag þar sem hann mun fjalla um áherslur stjórnvalda í húsnæðismálum.

24. okt. 2018Dómsmálaráðuneytið, Mannréttindi og jafnrétti, Vinnumál, Félags- og fjölskyldumál, Félags- og húsnæðismálaráðuneytið

Félags- og jafnréttismálaráðherra skrifar um jafnréttismenningu

Í dag stendur kvennahreyfingin í samstarfi við samtök launafólks fyrir baráttufundi þar sem sjónum er beint að launajafnrétti og öryggi kvenna á vinnustöðum: „Stjórnvöld hafa brugðist við #ég líka hreyfingunni með margvíslegum hætti. Verkefnin miða að fyrirbyggjandi aðgerðum og forvörnum en ekki síst að því hvernig megi skapa raunverulega jafnréttismenningu í samfélaginu.“ ​Ásmundur Einar Daðason, félags- og jafnréttismálaráðherra, fjallar um þessi mál og fleiri tengd jafnrétti kynjanna á vinnumarkaði og önnur mikilvæg verkefni sem varða jafnréttismál í blaðagrein í dag.

24. okt. 2018Húsnæðis- og mannvirkjamál, Félags- og fjölskyldumál, Félags- og húsnæðismálaráðuneytið

Ráðherra boðar til húsnæðisþings og leggur fram skýrslu um húsnæðismál

Ásmundur Einar Daðason, félags- og jafnréttismálaráðherra, boðar til húsnæðisþings 30. október, í samvinnu við Íbúðalánasjóð, undir yfirskriftinni „Húsnæði fyrir alla“. Á þinginu verður í fyrsta sinn lögð fram skýrsla ráðherra um stöðu og þróun húsnæðismála, í samræmi við breytingu sem gerð var á lögum um húsnæðismál á síðasta löggjafarþingi. ,,Við þurfum róttækar lausnir í húsnæðismálum segir ráðherra."

23. okt. 2018Heilbrigðisráðuneytið, Félags- og fjölskyldumál, Líf og heilsa, Mannréttindi og jafnrétti, Menntamál, Almannaöryggi, Félags- og húsnæðismálaráðuneytið

Aðgerðaáætlun gegn ofbeldi og afleiðingum þess

Fjórir ráðherrar ríkisstjórnarinnar kynntu á fundi hennar í dag tillögu til þingsályktunar um aðgerðaáætlun gegn ofbeldi og afleiðingum þess, til næstu fjögurra ára. Stýrihópur með fulltrúum hlutaðeigandi ráðuneyta hefur unnið að áætluninni í samstarfi við fjölda aðila á síðustu misserum.

17. okt. 2018Félags- og húsnæðismálaráðuneytið, Fatlað fólk, Félags- og fjölskyldumál

Tímamót í velferðarþjónustu - Ráðstefna 7. - 8. nóvember

Velferðarráðuneytið og Nýsköpunarmiðstöð Íslands boða til ráðstefnu og málstofa dagana 7. – 8. nóvember. Sjálfstæði, nýsköpun og samvinna eru lykilhugtök ráðstefnunnar þar sem fjallað verður um velferðarþjónustuna á Íslandi, stöðu hennar og verkefnin sem framundan eru í ljósi. Fjöldi þeirra sem þurfa aðstoð og þjónustu vex hröðum skrefum og kröfur um gæði og einstaklingsmiðaða þjónustu aukast. Um þetta verður fjallað, ræddar lykilspurningar sem þetta varða og sjónum beint að tækifærum sem framundan eru.

09. okt. 2018Félags- og húsnæðismálaráðuneytið, Félags- og fjölskyldumál

Fyrsti fundur þingmannanefndar um málefni barna

Nýskipuð samráðsnefnd þingmanna sem falið hefur verið að endurskoða barnaverndarlög og leggja til aðrar breytingar sem kunna að vera nauðsynlegar til að skapa heildarsýn í málefnum barna og þjónustu við þau, fundaði í fyrsta sinn í dag. Nefndin mun starfa að þessu viðamikla verkefni í samvinnu við sérfræðinga stjórnsýslunnar, fagfólk og hagsmunaaðila.

27. sep. 2018Félags- og húsnæðismálaráðuneytið, Félags- og fjölskyldumál

Ráðuneytið staðfestir niðurstöðu um að forstjóri Barnaverndarstofu hafi ekki farið út fyrir verksvið sitt

Niðurstaða endurupptöku velferðarráðuneytisins á eigin ákvörðun í máli sem snéri að afskiptum Braga Guðbrandssonar í tilteknu barnaverndarmáli í Hafnarfirði liggur fyrir. Niðurstaðan er sú að Bragi hafi ekki farið út fyrir verksvið sitt með afskiptum sínum og að starfshættir hans í málinu sem forstjóri Barnaverndarstofu hafi verið í samræmi við stjórnsýslulög.

26. sep. 2018Félags- og húsnæðismálaráðuneytið, Félags- og fjölskyldumál

Ráðherra fundar í Finnlandi um málefni barna

Ásmundur Einar Daðason, félags- og jafnréttismálaráðherra, átti í dag fund með umboðsmanni barna í Finnlandi auk þess að hitta sérfræðinga og verkefnastjóra í finnska félagsmálaráðuneytinu sem vinna að tveimur viðamiklum verkefnum sem tengjast málefnum barna. Ásmundur er staddur í Finnlandi og hefur í vikunni fundað með þarlendum stjórnvöldum meðal annars um húsnæðismál, jafnréttismál og fjölskyldumál en dagurinn í dag var helgaður málefnum barna.

25. sep. 2018Dómsmálaráðuneytið, Mannréttindi og jafnrétti, Félags- og fjölskyldumál

Ráðherrafundur um fjölskyldu- og jafnréttismál í Helsinki

Ásmundur Einar Daðason, félags- og jafnréttismálaráðherra, sem staddur er í Finnlandi á nú meðal annars í viðræðum við þarlend stjórnvöld um aukið samstarf á sviði félags- og jafnréttismála. Annika Saarikko, ráðherra fjölskyldu- og félagsmála, bauð Ásmundi Einari í heimsókn til að ræða verkefni sem eru sameiginleg embættum þeirra, í kjölfar fundar kvennanefndar Sameinuðu þjóðanna í New York í mars síðastliðnum.

11. sep. 2018Félags- og fjölskyldumál, Félags- og húsnæðismálaráðuneytið

Fjárlagafrumvarpið: Helstu áherslur á sviði félags- og jafnréttismála

Bætt kjör öryrkja, hækkun greiðslna til foreldra í fæðingarorlofi, aukinn stuðningur við börn og barnafjölskyldur, áhersla á uppbyggingu félagslegs húsnæðis og aukinn stuðningur við atvinnuleitendur eru megináherslur á málefnasviði félags- og jafnréttismálaráðherra sem birtast í fjárlagafrumvarpinu. Framlög til að bæta kjör öryrkja og til endurbóta á almannatryggingakerfinu vega þyngst og nemur aukningin 4,0 milljörðum króna.

07. sep. 2018Félags- og húsnæðismálaráðuneytið, Félags- og fjölskyldumál

Ráðherrar og sveitarfélög lýsa yfir samstarfi á sviði barnaverndar

Ásmundur Einar Daðason, félags- og jafnréttismálaráðherra, hefur boðað endurskoðun á barnaverndarlögum, félagslegri umgjörð í málefnum barna og þjónustu við börn á landsvísu. Markmið endurskoðunarinnar er að tryggja að börn verði sett í forsæti í allri nálgun, tryggja snemmtæka íhlutun og samfellu í þjónustu. ​

07. sep. 2018Félags- og húsnæðismálaráðuneytið, Mennta- og barnamálaráðuneytið, Innviðaráðuneytið, Dómsmálaráðuneytið, Félags- og fjölskyldumál

Viljayfirlýsing um aukið samstarf í þágu barna

Ráðherrar félags- og jafnréttismála, heilbrigðismála, mennta- og menningarmála, dómsmála, samgöngu- og sveitarstjórnarmála og formaður Sambands íslenskra sveitarfélaga hafa undirritað viljayfirlýsingu um aukið samstarf á málefnasviðum sem snúa að málefnum barna. Yfirlýsingin var undirrituð að loknum ríkisstjórnarfundi í Ráðherrabústaðnum í dag.