Efnisorð
Tegund

Leita eftir efnisorðum

Sýnir 3401–3450 af 13112
Raða eftir:
29. nóv. 2022Flóttafólk, Forsætisráðuneytið, Félags- og húsnæðismálaráðuneytið, Dómsmálaráðuneytið

Umsækjendur um alþjóðlega vernd fá viðbótargreiðslur í desember

Samþykkt var á fundi ríkisstjórnarinnar sl. föstudag að greiða umsækjendum um alþjóðlega vernd viðbótargreiðslur í desember líkt og gert hefur verið undanfarin ár. Greiðslurnar sem nema 10 þúsund krónum fyrir hvern fullorðinn einstakling og 5 þúsund krónum fyrir börn koma til viðbótar við fastar framfærslugreiðslur.

28. nóv. 2022Félags- og húsnæðismálaráðuneytið, Flóttafólk

Samningur um samræmda móttöku flóttafólks

Félags- og vinnumarkaðsráðuneytið undirritar um þessar mundir samninga við sveitarfélög um samræmda móttöku flóttafólks sem gildir til ársloka 2023. Samningurinn felur í sér fjárstuðning frá ríkinu svo sveitarfélög geti veitt þeim fjölda flóttafólks sem það er tilbúið til að taka á móti fullnægjandi þjónustu yfir gildistíma samningsins. Ráðuneytið óskar eftir þátttöku sem flestra sveitarfélaga í verkefninu.

25. nóv. 2022Félags- og húsnæðismálaráðuneytið, Flóttafólk

Félags- og vinnumarkaðsráðuneytið og Árborg semja um móttöku allt að 100 flóttamanna

Guðmundur Ingi Guðbrandsson, félags- og vinnumarkaðsráðherra, Fjóla Steindóra Kristinsdóttir, bæjarstjóri Sveitarfélagsins Árborgar og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks í Árborg. Samningurinn var undirritaður á Selfossi og kveður á um að sveitarfélagið taki í samstarfi við stjórnvöld á móti allt að 100 flóttamönnum fram til 31. desember 2023.

23. nóv. 2022Heilbrigðisráðuneytið, Félags- og fjölskyldumál, Líf og heilsa, Félags- og húsnæðismálaráðuneytið

Aðgerðaáætlun um þjónustu við eldra fólk – kynningarfundur 5. desember

Félags- og vinnumarkaðsráðherra og heilbrigðisráðherra halda opinn kynningarfund 5. desember kl. 11–13 á hótel Hilton Nordica, þar sem kynnt verða drög að aðgerðaáætlun til fjögurra ára um heildarendurskoðun þjónustu við eldra fólk. Í stuttum erindum verður sagt frá því hvernig á að samþætta félags- og heilbrigðisþjónustu. Fundurinn er öllum opinn en óskað eftir því að þau sem ætli að mæta skrái sig fyrir fram. Einnig verður hægt að fylgjast með fundinum í beinu streymi.

23. nóv. 2022Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 350/2022-Úrskurður

Ofgreiddar bætur. Staðfest ákvörðun Tryggingastofnunar ríkisins að synja umsókn kæranda um niðurfellingu á endurgreiðslukröfu vegna ofgreiddra bóta. Ekki fallist á að tilefni sé til niðurfellingar endurgreiðslukröfunnar á grundvelli 11. gr. reglugerðar nr. 598/2009. Ekki fallist á að um brot á stjórnsýslulögum nr. 37/1993 og stjórnarskrár lýðveldisins Íslands nr. 33/1944, væri að ræða.

23. nóv. 2022Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 452/2022-Úrskurður

Ofgreiddar bætur. Staðfest ákvörðun Tryggingastofnunar ríkisins um niðurfellingu að hluta á endurgreiðslukröfu vegna ofgreiddra bóta vegna fjárhagslegra aðstæðna á grundvelli 11. gr. reglugerðar nr. 598/2009. Þeim hluta kæru er varðar kröfu um greiðslu vaxta og 15% álags er vísað frá úrskurðarnefndinni þar sem ekki liggur fyrir stjórnvaldsákvörðun í málinu.

23. nóv. 2022Félags- og húsnæðismálaráðuneytið, Norrænt samstarf, Vinnumál

Fundur norrænna félags- og vinnumarkaðsráðherra: Græn umskipti og heilbrigður og aðgengilegur vinnumarkaður

Græn umskipti verða að eiga sér stað hratt og vel en koma verður í veg fyrir að þær breytingar sem felast í tækni, nýjum kynslóðum, nýjum viðhorfum og sjálfvirknivæðingu stuðli að auknum ójöfnuði. Þvert á móti eiga breytingarnar að leiða til aukinna tækifæra og möguleika á vinnumarkaði. Þetta kom fram í máli Guðmundar Inga Guðbrandssonar á fundi félags- og vinnumarkaðsráðherra Norðurlandanna sem fram fór í Osló í gær.

22. nóv. 2022Félags- og húsnæðismálaráðuneytið

Styrkir O.N. sviðlistahóp vegna táknmálstúlkunar fyrir leiksýninguna Eyju

Guðmundur Ingi Guðbrandsson, félags- og vinnumarkaðsráðherra, hefur veitt O.N. sviðslistahópi styrk til að standa straum af kostnaði við táknmálstúlkun vegna leiksýningarinnar Eyju sem fer fram bæði á íslensku táknmáli og íslensku raddmáli. Sviðslistahópurinn samanstendur af heyrnarlausu og heyrandi listafólki og setur upp tvítyngdar sýningar – aðgengilegar jafnt fyrir þau sem hafa íslenska tungu og íslenskt raddmál að móðurmáli. Eyja er fyrsta leiksýning sinnar tegundar sem sýnd er í Þjóðleikhúsinu.

21. nóv. 2022Félags- og húsnæðismálaráðuneytið, Almannatryggingar og lífeyrir

Fyrsta skrefið tekið í átt að nýju greiðslu- og þjónustukerfi vegna starfsgetumissis

Guðmundur Ingi Guðbrandsson, félags- og vinnumarkaðsráðherra, hefur mælt fyrir frumvarpi á Alþingi um lengingu á greiðslutímabili endurhæfingarlífeyris. Lagt er til að fólki verði gert kleift að fá greiddan endurhæfingarlífeyri í allt að fimm ár, í stað þriggja samkvæmt gildandi lögum. Frumvarpið er fyrsta skrefið í umbyltingu á greiðslu- og þjónustukerfi almannatrygginga vegna starfsgetumissis. Markmiðið er að reyna að draga úr ótímabæru brotthvarfi fólks af vinnumarkaði, fjölga þeim sem snúa aftur til vinnu og fyrirbyggja ótímabæra örorku fólks.

19. nóv. 2022Félags- og húsnæðismálaráðuneytið, Flóttafólk

Reykjavíkurborg og ríki semja um móttöku 1500 flóttamanna

Guðmundur Ingi Guðbrandsson, félags- og vinnumarkaðsráðherra, Dagur B. Eggertsson, borgarstjóri og Nichole Leigh Mosty, forstöðukona Fjölmenningarseturs, undirrituðu í dag samning um samræmda móttöku flóttafólks í Reykjavík. Samningurinn var undirritaður í Ráðhúsi Reykjavíkur og kveður á um að Reykjavíkurborg taki í samstarfi við stjórnvöld á móti allt að 1.500 flóttamönnum á tímabilinu 1. október 2022 til 31. desember 2023.

17. nóv. 2022Félags- og húsnæðismálaráðuneytið, Fatlað fólk, Upplýsingatæknimál ríkisins, Fjármála- og efnahagsráðuneytið

Stafrænum hindrunum rutt úr vegi: Persónulegir talsmenn geta nú aðstoðað fatlað fólk við að nálgast stafræn erindi

Mikilvægt skref hefur verið tekið við að ryðja úr vegi stafrænum hindrunum hjá fötluðu fólki hér á landi. Persónulegir talsmenn fatlaðs fólks geta nú komið fram fyrir hönd umbjóðenda sinna á Mínum síðum á Ísland.is og fengið aðgang að stafrænu pósthólfi þeirra en þangað berast meðal annars erindi frá opinberum aðilum. Skýrt ákall hefur verið um breytingarnar og hefur verkefnastofa um Stafrænt Ísland unnið að þeim ásamt félags- og vinnumarkaðsráðuneytinu, þar með talið réttindagæslumönnum fatlaðs fólks.

17. nóv. 2022Félags- og húsnæðismálaráðuneytið, Fatlað fólk

Ný vegferð í þjónustu við fatlað fólk á Íslandi: Formleg vinna hefst við gerð landsáætlunar

„Við skulum hefja nýja vegferð í þjónustu við fatlað fólk á Íslandi,“ sagði Guðmundur Ingi Guðbrandsson, félags- og vinnumarkaðsráðherra á fjölmennri ráðstefnu sem fram fór í gær og fjallaði um gerð landsáætlunar um innleiðingu á ákvæðum samnings Sameinuðu þjóðanna um réttindi fatlaðs fólks. Ráðherra áréttaði að hann tryði því að slík vegferð myndi færa okkur að því markmiði að fatlað fólk gæti notið mannréttinda og mannfrelsis til fulls og til jafns við aðra. Á ráðstefnunni sem fram fór á Reykjavik Hilton Nordica í gær var vinnunni við gerð landsáætlunarinnar formlega ýtt úr vör.

16. nóv. 2022Félags- og húsnæðismálaráðuneytið, Innflytjendur

Dagur íslenskrar tungu: Íslensk-pólsk veforðabók í augsýn

Guðmundur Ingi Guðbrandsson, félags- og vinnumarkaðsráðherra, hefur veitt Stofnun Árna Magnússonar í íslenskum fræðum 15 milljóna króna styrk til að vinna að gerð íslensk-pólskrar veforðabókar. Sárlega hefur vantað slíka orðabók fyrir þann stóra hóp Pólverja sem sest hefur að hér á landi. Veforðabókin verður aðgengileg öllum á netinu. Markmiðið með verkefninu er að styðja pólska innflytjendur til íslenskunáms og auðvelda þeim þannig inngildingu í íslensku samfélagt með því að bjóða upp á gjaldfrjálst, rafrænt og aðgengilegt hjálpartæki sem einnig mun nýtast nemendum í skólum.

14. nóv. 2022Forsætisráðuneytið, Menningar-٫ nýsköpunar- og háskólaráðuneytið, Mennta- og barnamálaráðuneytið, Menningarmál, Félags- og húsnæðismálaráðuneytið

Ráðherranefnd um íslenska tungu sett á laggirnar

Ráðherranefnd um íslenska tungu hefur verið skipuð samkvæmt tillögu Katrínar Jakobsdóttur forsætisráðherra. Ráðherra greinir frá skipun nefndarinnar í ávarpi sínu á málþinginu Íslenskan er okkar allra sem haldið er í tilefni af viku íslenskrar tungu.