Efnisorð
Tegund

Leita eftir efnisorðum

Sýnir 3351–3400 af 13112
Raða eftir:
13. des. 2022Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 484/2022-Úrskurður

Vextir. Felld úr gildi ákvörðun Tryggingastofnunar ríkisins um að synja kæranda um vexti vegna vangreiddra bóta með vísan til skorts á upplýsingum, sbr. 4. mgr. 55. gr. laga um almannatryggingar. Að mati úrskurðarnefndin var skortur á upplýsingum ekki að rekja til kæranda og var málinu vísað aftur til stofnunarinnar til nýrrar meðferðar.

12. des. 2022Félags- og húsnæðismálaráðuneytið, Flóttafólk, Innflytjendur, Útlendingar

Efni með tilgang: 12 milljónir króna til að vinna gegn félagslegri einangrun kvenna af erlendum uppruna

Guðmundur Ingi Guðbrandsson, félags- og vinnumarkaðsráðherra, hefur veitt 12 milljóna króna styrk til verkefnisins „Efni með tilgang“ sem er samstarfsverkefni Hjálparstarfs kirkjunnar, Hjálpræðishersins og Reykjavíkurborgar. Verkefnið er hugsað fyrir konur úr hópi innflytjenda, flóttafólks og hælisleitenda sem eru útsettar fyrir félagslegri einangrun.

07. des. 2022Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 487/2022-Úrskurður

Staðfest ákvörðun Tryggingastofnunar ríkisins um að synja kæranda um örorkulífeyri og tengdar greiðslur. Skilyrði 75% örorku samkvæmt örorkustaðli ekki uppfyllt. Felld úr gildi ákvörðun stofnunarinnar að synja kæranda um örorkustyrk. Fallist á að skilyrði örorkustyrks væru uppfyllt og málinu heimvísað til ákvörðunar á tímalengd örorkustyrks.

05. des. 2022Félags- og húsnæðismálaráðuneytið

Þjónusta vegna ofbeldis – óskað eftir tillögum og ábendingum

Guðmundur Ingi Guðbrandsson, félags- og vinnumarkaðsráðherra, hefur skipað starfshóp sem falið er að skoða laga- og reglugerðarumhverfi þjónustu vegna ofbeldis og koma með tillögur um hvernig best megi tryggja þá þjónustu sem standa þarf bæði þolendum og gerendum ofbeldis til boða, einkum með tillit til Istanbúl-samningsins (samning Evrópuráðsins um forvarnir og baráttu gegn ofbeldi á konum og heimilisofbeldi).

01. des. 2022Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 449/2022-Beiðni um endurupptöku

Endurupptökubeiðni synjað. Úrskurðarnefnd velferðarmála taldi að ekki yrði ráðið að niðurstaða nefndarinnar hafi byggst á ófullnægjandi eða röngum upplýsingum um málsatvik, sbr. 1. mgr. 24. gr. stjórnsýslulaga nr. 37/1993 né að kærandi ætti rétt á endurupptöku málsins á grundvelli ólögfestra reglna stjórnsýsluréttar.

01. des. 2022Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 439/2022-Beiðni um endurupptöku

Endurupptökubeiðni synjað. Úrskurðarnefnd velferðarmála taldi að ekki yrði ráðið að niðurstaða nefndarinnar hafi byggst á ófullnægjandi eða röngum upplýsingum um málsatvik, sbr. 1. mgr. 24. gr. stjórnsýslulaga nr. 37/1993 né að kærandi ætti rétt á endurupptöku málsins á grundvelli ólögfestra reglna stjórnsýsluréttar.

30. nóv. 2022Félags- og húsnæðismálaráðuneytið

Góðan daginn, faggi: Styrkur til sýninga í framhaldsskólum úti á landi

Guðmundur Ingi Guðbrandsson, félags- og vinnumarkaðsráðherra, hefur veitt leikfélaginu Stertabendu styrk að upphæð einni milljón króna til að sýna leikverkið Góðan daginn, faggi í framhaldsskólum á landsbyggðinni. Markmiðið er að auka umræður og sýnileika innan framhaldsskólanna um hinseginleikann og fjölbreytileika. Einnig er markmiðið að fræða nemendur og starfsfólk og vinna þannig gegn hatursorðræðu, fordómum og vanlíðan barna og unglinga.