Efnisorð
Tegund

Leita eftir efnisorðum

Sýnir 3151–3200 af 13112
Raða eftir:
22. mar. 2023Félags- og húsnæðismálaráðuneytið, Fatlað fólk, Heilbrigðisráðuneytið, Norrænt samstarf

Fatlað fólk fái greiðari aðgang að stafrænum lausnum

Lykilatriði er að allir hafi aðgang að stafrænum lausnum eigi Norðurlöndin að ná þeirri framtíðarsýn að vera sjálfbærasta og samþættasta svæði heims árið 2030. Sérstaklega þarf að tryggja að fatlað fólk geti nýtt sér stafrænar lausnir. Þetta er efni yfirlýsingar sem félags- og heilbrigðisráðherrar Norðurlandanna samþykktu í dag í tengslum við fund sinn. Yfirlýsingin var undirrituð í Reykjavík en Ísland gegnir nú formennsku í Norrænu ráðherranefndinni.

20. mar. 2023Félags- og húsnæðismálaráðuneytið, Flóttafólk

Vestmannaeyjabær tekur á móti 30 flóttamönnum

Guðmundur Ingi Guðbrandsson, félags- og vinnumarkaðsráðherra, og Íris Róbertsdóttir, bæjarstjóri Vestmannaeyjabæjar, hafa undirritað samning um samræmda móttöku flóttafólks í Vestmannaeyjum. Samningurinn kveður á um að Vestmannaeyjabær taki í samstarfi við stjórnvöld á móti allt að 30 flóttamönnum. Þetta er níundi samningurinn sem undirritaður er um samræmda móttöku flóttafólks frá því í nóvember sl.

17. mar. 2023Úrskurðarnefnd velferðarmála - Félagsþjónusta og húsnæðismál, Úrskurðir, Félags- og húsnæðismálaráðuneytið

Mál nr. 570/2022-Úrskurður

Félagslegt leiguhúsnæði. Staðfest ákvörðun Reykjavíkurborgar um að afturkalla samþykkt á biðlista eftir félagslegu leiguhúsnæði. Kærendur höfðu hvorki gert upp né samið um vanskil sín við Félagsbústaði hf. og því var skilyrði 4. gr. reglna Reykjavíkurborgar um félagslegt leiguhúsnæði ekki uppfyllt.

15. mar. 2023Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr.561/2022-Úrskurður

Felld úr gildi ákvörðun Tryggingastofnunar ríkisins um að synja kæranda um endurhæfingarlífeyri og málinu er vísað aftur til stofnunarinnar til nýrrar meðferðar. Tryggingastofnun ríkisins bar að líta til búsetu kæranda í Noregi við mat á því hvort búsetuskilyrði voru uppfyllt þegar umsókn um endurhæfingarlífeyri barst stofnuninni.

14. mar. 2023Félags- og húsnæðismálaráðuneytið

Tekur þátt í þemaþingi Norðurlandaráðs í Hörpu

Þemaþing Norðurlandaráðs stendur nú yfir í Hörpu undir yfirskriftinni: „Orka og öryggi“. Guðmundur Ingi Guðbrandsson tekur þátt bæði sem félags- og vinnumarkaðsráðherra og samstarfsráðherra Norðurlanda. Hluta þingsins verður varið í að fjalla um áherslur Norðurlandaráðs fyrir næstu framkvæmdaáætlun Norrænu ráðherranefndarinnar en Ísland gegnir formennsku í ráðherranefndinni í ár.

13. mar. 2023Félags- og húsnæðismálaráðuneytið, Covid-19, Vinnumál

Hvað geta Norðurlöndin lært af þeim aðgerðum sem þau gripu til á vinnumarkaði vegna heimsfaraldursins?

Í tilefni af formennsku Íslands í Norrænu ráðherranefndinni verður blásið til norrænnar ráðstefnu á Grand Hótel um heimsfaraldur og vinnumarkað. Ráðstefnan fer fram á fimmtudaginn, 16. mars, kl. 9:00-16:00. Samdægurs mun Efnahags- og framfarastofnunin, OECD, birta viðamikla skýrslu um efnið: Nordic lessons for an Inclusive Recovery? Responses to the Impact of COVID-19 on the Labour Market. Niðurstöður skýrslunnar verða kynntar á ráðstefnunni og er sendinefnd frá OECD væntanleg til landsins vegna þess.

09. mar. 2023Félags- og húsnæðismálaráðuneytið, Framhaldsfræðsla, Innflytjendur, Útlendingar

Úttektir á íslenskukennslu fyrir útlendinga

Guðmundur Ingi Guðbrandsson, félags- og vinnumarkaðsráðherra, hefur ákveðið að styðja við þrjár rannsóknir og úttektir á íslenskukennslu fyrir útlendinga, auk þess að láta framkvæma kerfisbundna greiningu á innlendum og alþjóðlegum ritrýndum rannsóknum sem varða framhaldsfræðslu. Á vegum félags- og vinnumarkaðsráðuneytis er nú unnið að heildarendurskoðun á framhaldsfræðslukerfinu og lögum um framhaldsfræðslu og eru verkefnin liður í þeirri vegferð.

08. mar. 2023Forsætisráðuneytið, Félags- og húsnæðismálaráðuneytið, Menningar-٫ nýsköpunar- og háskólaráðuneytið, Dómsmálaráðuneytið

Nýtt og skilvirkara kerfi um atvinnuréttindi útlendinga utan EES

Komið verður á nýju og skilvirkara kerfi um atvinnuréttindi útlendinga utan EES. Forsætisráðherra, háskóla- iðnaðar- og nýsköpunarráðherra ​og félags- og vinnumarkaðsráðherra kynntu tillögur þess efnis á blaðamannafundi í Ráðherrabústaðnum í dag.