Efnisorð
Tegund

Leita eftir efnisorðum

Sýnir 1201–1250 af 2063
Raða eftir:
23. mar. 2020Heilbrigðisráðuneytið, Covid-19, Líf og heilsa

Spornað við lyfjahamstri með reglugerð

Nokkuð hefur borið á því að undanförnu að einstaklingar hafi keypt tiltekin lausasölulyf í miklum mæli, eða að fólk með fjölnota lyfseðla hafi leyst út margar afgreiðslur samtímis eða með skömmu millibili. Mikilvægt er að fólk hamstri ekki lyf. Slík háttsemi getur valdið tjóni með því að skapa lyfjaskort og þannig stefnt heilsu og jafnvel lífi fólks í hættu að óþörfu. Til að sporna við þessu hefur heilbrigðisráðherra sett reglugerð sem felur í sér takmarkanir á afhendingu lyfja.

23. mar. 2020Heilbrigðisráðuneytið, Heilbrigðismál, Líf og heilsa, Covid-19

Fimm daga skoðun nýbura í heimahúsum vegna COVID-19

Til að draga úr smithættu og létta á Landspítala hafa Sjúkratryggingar Íslands gert tímabundinn samning við ljósmæður um að auka vitjanaþjónustu sína í stað þess að svokölluð fimm daga skoðun fari fram á Landspítala. Vakthafandi nýburalæknir á Landspítala mun styðja við þessa þjónustu í gegnum síma eftir því sem þörf er á. Frá þessu er sagt á vef Sjúkratrygginga Íslands.

22. mar. 2020Heilbrigðisráðuneytið, Heilbrigðismál, Líf og heilsa, Covid-19, Dómsmálaráðuneytið

Hertar takmarkanir á samkomum – mörkin sett við 20 manns

Heilbrigðisráðherra hefur ákveðið, í samræmi við tillögu sóttvarnalæknis, að takmarka samkomur enn frekar en áður vegna hraðari útbreiðslu Covid-19 í samfélaginu. Viðburðir þar sem fólk kemur saman verða takmarkaðir við 20 manns í stað 100 áður. Við öll mannamót þarf auk þess að tryggja að nánd milli manna verði yfir tveimur metrum. Ákvörðunin tekur gildi á miðnætti annað kvöld (þ.e. aðfaranótt þriðjudags). Takmörkun á skólahaldi verður óbreytt.

22. mar. 2020Heilbrigðisráðuneytið, Heilbrigðismál, Líf og heilsa, Covid-19

Frestun valkvæðra skurðaðgerða vegna Covid-19

Heilbrigðisráðherra hefur fallist á erindi landlæknis og staðfest fyrirmæli embættisins um að öllum valkvæðum skurðaðgerðum og öðrum ífarandi aðgerðum, t.d. greiningarrannsóknum verði hætt frá 23. mars til 31. maí næstkomandi. Á þetta við hvort sem um ræðir aðgerðir framkvæmdar innan eða utan spítala, af opinberum aðila eða einkaaðila. Fyrirmælin verða birt í Stjórnartíðindum.

20. mar. 2020Heilbrigðisráðuneytið, Mennta- og barnamálaráðuneytið, Menntamál, Covid-19, Líf og heilsa

Leiðbeinandi viðmið um íþrótta- og æskulýðsstarf í ljósi takmörkunar á skólastarfi og samkomum

Vegna fjölda fyrirspurna hefur heilbrigðisráðuneytið í samvinnu við mennta- og menningarmálaráðuneytið tekið saman leiðbeinandi viðmið um hvernig beri að túlka auglýsingar um takmörkun á samkomum vegna farsóttar og takmörkun á skólastarfi vegna farsóttar þegar kemur að íþrótta og æskulýðsstarfi barna, ungmenna og fullorðinna. Leiðbeiningarnar eru eftirfarandi:

20. mar. 2020Heilbrigðisráðuneytið, Heilbrigðismál, Líf og heilsa, Covid-19

Aukin áhersla á fjarheilbrigðisþjónustu

Sjúkratryggingar Íslands vinna að því að auðvelda sjúklingum aðgengi að heilbrigðisþjónustu við þær aðstæður sem nú ríkja með því að bjóða upp á fleiri þjónustuform. Þannig munu SÍ greiða veitendum fyrir fjarheilbrigðisþjónustu, þ.e. símtöl og myndsímtöl, þegar það hentar sjúklingi og þegar skilyrði um slíka þjónustu eru uppfyllt. Þetta á bæði við um þjónustu heilsugæslu og sérgreinalækna og ef til vill fleiri. Um þetta er fjallað í tilkynningu á vef Sjúkratrygginga Íslands.

18. mar. 2020Ræður og greinar, Heilbrigðisráðuneytið, Líf og heilsa, Covid-19

Heilsugæslan á tímum COVID-19

18 mars 2020 / Heilbrigðisráðuneytið Heilsugæslan á tímum COVID-19 Heilbrigðisráðuneytið Svandís Svavarsdóttir heilbrigðisráðherra Heilsugæslan gegnir mikilvægu hlutverki sem fyrsti viðkomustaður almennings í heilbrigðiskerfinu. Um þessar mundir stendur Heilsugæsla höfuðborgarsvæðisins í ströngu við að veita ráðgjöf, þjónustu og sinna sýnatöku vegna COVID19-veirunnar, en sú þjónusta bætist ofan á hefðbundin verkefni heilsugæslunnar. Heilsugæsla höfuðborgarsvæðisins hefur nú þegar breytt skipulagi á þjónustu sinni til þess að bregðast við aðstæðum

17. mar. 2020Heilbrigðisráðuneytið, Líf og heilsa, Menntamál, Mennta- og barnamálaráðuneytið, Covid-19

Beiðnir um undanþágur frá takmörkun á skólastarfi vegna farsóttar og meðferð þeirra

Líkt og fram kemur í auglýsingu heilbrigðisráðuneytisins um takmörkun á skólastarfi vegna farsóttar, getur heilbrigðisráðherra veitt undanþágu ef ekki er talin hætta á að slíkt fari gegn markmiðum opinberra sóttvarnaráðstafana. Skólastjórnendur sem telja efni standa til að sækja um slíka undanþágu eiga að beina henni til heilbrigðisráðuneytisins til umfjöllunar og afgreiðslu. Þegar liggja fyrir úrskurðir í þremur slíkum málum og hafa þeir verið birtir á vef Stjórnarráðsins.

17. mar. 2020Ræður og greinar, Heilbrigðisráðuneytið, Líf og heilsa, Covid-19

Samkomubann

17 mars 2020 / Heilbrigðisráðuneytið Samkomubann Heilbrigðisráðuneytið SVandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Í lok síðustu viku kynnti ég ákvörðun mína um að virkja heimildir sóttvarnalaga til að takmarka samkomur í fjórar vikur, frá og með 16. mars. Tilgangurinn er að hefta útbreiðslu COVID19-sjúkdómsins, verja heilsu fólks og viðhalda starfsgetu heilbrigðiskerfisins meðan á faraldri stendur og er ákvörðunin tekin að tillögu sóttvarnarlæknis

13. mar. 2020Heilbrigðisráðuneytið, Líf og heilsa, Mennta- og barnamálaráðuneytið, Dómsmálaráðuneytið, Covid-19

Takmarkanir á samkomu- og skólahaldi til að hægja á útbreiðslu Covid – 19

Svandís Svavarsdóttir heilbrigðisráðherra hefur að tillögu sóttvarnalæknis ákveðið að virkja heimildir sóttvarnalaga til að takmarka samkomur í fjórar vikur frá miðnætti 15. mars næstkomandi. Með takmörkun er átt við viðburði þar sem fleiri en 100 manns koma saman og verða þeir óheimilir. Samhliða verður skólahald takmarkað, einnig í fjórar vikur. Ákvörðun heilbrigðisráðherra var kynnt á fundi ríkisstjórnar í morgun. Markmiðið er að hægja á útbreiðslu Covid – 19 svo að heilbrigðisþjónustan muni eiga auðveldara með að takast á álag í tengslum við veirusjúkdóminn.

12. mar. 2020Atvinnuvegaráðuneytið, Líf og heilsa, Landbúnaður, Lýðheilsa og forvarnir, Atvinnuvegir

Einangrun fyrir hunda og ketti verður tvær vikur

Kristján Þór Júlíusson, sjávarútvegs- og landbúnaðarráðherra, hefur undirritað nýja reglugerð um innflutning hunda og katta. Lágmarkstími fyrir einangrun dýranna við innflutning verða nú að lágmarki tvær vikur í stað fjögurra. Reglugerðin heimilar einnig að einangrun tiltekinna hjálparhunda fari fram í heimaeinangrun.

11. mar. 2020Heilbrigðisráðuneytið, Líf og heilsa, Covid-19

Bakvarðasveit heilbrigðisþjónustunnar - óskað eftir heilbrigðisstarfsfólki á útkallslista

Heilbrigðisyfirvöld óska eftir liðsinni heilbrigðisstarfsfólks úr hópi lækna, hjúkrunarfræðinga og sjúkraliða í svokallaða bakvarðasveit heilbrigðisþjónustunnar. Leitað er að fólki sem hefur aðstæður og er reiðubúið að koma tímabundið til starfa í heilbrigðisþjónustunni með skömmum fyrirvara, hvort heldur í fullt starf, hlutastarf eða í tímavinnu, eftir því sem aðstæður leyfa.

10. mar. 2020Heilbrigðisráðuneytið, Líf og heilsa, Covid-19

Heilsugæsla höfuðborgarsvæðisins eflir fjarþjónustu

Í ljósi neyðarstigs almannavarna vegna COVID-19 mun Heilsugæsla höfuðborgarsvæðisins efla fjarþjónustu á öllum heilsugæslustöðvum sínum. Vakin er athygli á tilkynningu stofnunarinnar um þetta. Eins og þar kemur fram verður símaþjónusta aukin til muna og símatímum lækna fjölgað. Einnig er áhersla lögð á aukna þjónustu í gegnum vefinn heilsuvera.is m.a. með skilaboðoum á mínum síðum og netspjall heilsuveru verður opið alla daga frá kl. 08.00 – 22.00.

09. mar. 2020Heilbrigðisráðuneytið, Líf og heilsa, Covid-19

Breyttu fyrirkomulagi um afhendingu lyfja (skriflegt umboð) frestað til 30. mars

Breyttu fyrirkomulagi um afhendingu lyfja, sem taka átti að gildi þriðjudaginn 10. mars 2020, hefur verið frestað til 30. mars næstkomandi. Í tilkynningu Lyfjastofnunar um frestunina segir að í ljósi örrar fjölgunar COVID-19 smita sé mikilvægt að hægja á eða stöðva ferla sem geti haft aukna smithættu í för með sér. Skriflegt umboð sé þess eðlis að það auki hættu á að veirur berist manna á milli. Því hafi Lyfjastofnun ákveðið að fresta kröfu um skriflegt umboð til 30. mars nk.

09. mar. 2020Heilbrigðisráðuneytið, Heilbrigðismál, Líf og heilsa

Nýr samningur um þjónustu Reykjalundar

Sjúkratryggingar Íslands hafa gert samning við Reykjalund, endurhæfingarmiðstöð SÍBS, um endurhæfingarþjónustu stofnunarinnar. Samningurinn tekur gildi 1. apríl næstkomandi og er til tveggja ára, með möguleika á framlengingu um tvö ár til viðbótar. Svandís Svavarsdóttir heilbrigðisráðherra hefur staðfest samninginn sem forstjóri Sjúkratrygginga Íslands og stjórnendur Reykjalundar undirrituðu í heilbrigðisráðuneytinu fyrir helgi. Aðilar segja samninginn marka þáttaskil og muni efla og styrkja í sessi þá mikilvægu endurhæfingarþjónustu sem Reykjalundur annast á landsvísu.

06. mar. 2020Heilbrigðisráðuneytið, Almannaöryggi, Líf og heilsa, Dómsmálaráðuneytið, Covid-19

Viðbragðsáætlun almannavarna: Heimsfaraldur – Landsáætlun

Ríkislögreglustjórinn og sóttvarnalæknir hafa gefið út viðbragðsáætlun sem ætlað er að segja fyrir um skipulag og stjórn aðgerða vegna hvers kyns heimsfaraldurs. Áætlunin styðst við lög um almannavarnir nr. 82/2008 og sóttvarnalög nr. 19/1997. Fyrri útgáfa þessarar áætlunar bar heitið Landsáætlun vegna heimsfaraldurs inflúensu og hefur hlutverk hennar nú verið víkkað og nær yfir heimsfaraldra veikinda af hvaða toga sem er. Kjartan Þorkelsson settur ríkislögreglustjóri og Þórólfur Guðnason sóttvarnalæknir undirrituðu áætlunina í morgun og hefur hún verið birt á vefjum embættis landlæknis og almannavarna.

06. mar. 2020Heilbrigðisráðuneytið, Heilbrigðismál, Líf og heilsa

Göngudeildarþjónusta SÁÁ mikilvægur hluti af meðferð og endurhæfingu

Svandís Svavarsdóttir heilbrigðisráðherra kynnti sér starfsemi göngudeildarþjónustu SÁÁ þegar hún heimsótti starfsstöð samtakanna í Efstaleiti í gær. Valgerður Rúnarsdóttir, framkvæmdastjóri lækninga, segir göngudeildarþjónustuna mjög mikilvægan hluta af meðferð og endurhæfingu vegna neyslu- og fíknivanda og hluta af heilsteyptri meðferð á mismunandi stigum. ​Þá sé unnið að því að tryggja samfellu og samstarf þeirra sem veita heilbrigðisþjónustu og félagsþjónustu á þessu sviði.

05. mar. 2020Heilbrigðisráðuneytið, Heilbrigðismál, Líf og heilsa

Tillögur um menntun sjúkraliða

Starfshópur sem heilbrigðisráðherra skipaði í desember sl. til að gera tillögur um menntun og viðbótarmenntun sem leitt geta til fjölgunar útskrifaðra sjúkraliða hefur skilað ráðherra niðurstöðum sínum. Auk tillagna um menntun og viðbótarmenntun eru einnig lagðar til leiðir sem eiga að styrkja störf sjúkraliða, gera störf þeirra áhugaverðari og gefa þeim færi á framgangi í starfi.

03. mar. 2020Heilbrigðisráðuneytið, Lyfjamál, Líf og heilsa, Covid-19

Lög til að sporna við lyfjaskorti

Lyfjastofnun fær heimild til að leggja bann við því að tilteknar birgðir lyfja séu fluttar úr landi ef nauðsyn krefur til að tryggja framboð tiltekinna lyfja sem stofnunin telur mikilvæg. Frumvarp til breytinga á lyfjalögum þessa efnis hefur verið samþykkt á Alþingi. Um varúðarráðstöfun er að ræða og eru sambærileg ákvæði liður í löggjöf margra þjóða.

27. feb. 2020Heilbrigðisráðuneytið, Heilbrigðismál, Líf og heilsa

Samið um hjúkrunarheimili fyrir 60 íbúa í Reykjanesbæ

Svandís Svavarsdóttir heilbrigðisráðherra og Kjartan Már Kjartansson, bæjarstjóri Reykjanesbæjar, undirrituðu í dag samning um nýtt 60 rýma hjúkrunarheimili í Reykjanesbæ. Gert er ráð fyrir að heimilið verði tekið í notkun um mitt ár 2023. Ákvörðun um að ráðast í þessa uppbyggingu er í samræmi við niðurstöður frumathugunar Framkvæmdasýslu ríkisins á liðnu ári.

22. feb. 2020Ræður og greinar, Heilbrigðisráðuneytið, Líf og heilsa

Sjúklingar borga minna

22 febrúar 2020 / Heilbrigðisráðuneytið Sjúklingar borga minna Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Lækkun greiðsluþátttöku sjúklinga er afgerandi þáttur í því að tryggja jafnt aðgengi fólks að heilbrigðisþjónustu. Gögn frá Evrópsku tölfræðistofnuninni, Eurostat, sýna að um um það bil 3,5 prósent Íslendinga þurftu að neita sér um læknisþjónustu vegna kostnaðar, fjarlægðar eða biðtíma árið 2016. Um 5% allra tekjuhópa þurftu að neita sér um tannlæknaþjónustu á sama tíma

20. feb. 2020Heilbrigðisráðuneytið, Heilbrigðismál, Líf og heilsa

Jóhanna Fjóla skipuð forstjóri Heilbrigðisstofnunar Vesturlands

Svandís Svavarsdóttir heilbrigðisráðherra hefur ákveðið að skipa Jóhönnu Fjólu Jóhannesdóttur forstjóra Heilbrigðisstofnunar Vesturlands til næstu fimm ára. Ákvörðun ráðherra um skipun hennar í embættið er tekin að undangengnu mati lögskipaðrar hæfnisnefndar sem metur hæfni umsækjenda um stöður forstjóra heilbrigðisstofnana.

19. feb. 2020Heilbrigðisráðuneytið, Líf og heilsa

Níutíu milljónum úthlutað úr lýðheilsusjóði til 144 verkefna

Svandís Svavarsdóttir heilbrigðisráðherra úthlutaði í gær styrkjum úr Lýðheilsusjóði til fjölbreyttra verkefna á svið i geðræktar, næringar, hreyfingar og tannverndar, auk áfengis-, vímu- og tóbaksvarna. Alls bárust 247 umsóknir í sjóðinn. Upphæðir styrkja til einstakra verkefna nema á bilinu 125.000 krónum upp í þrjár milljónir króna til þeirra verkefna sem hlutu hæstu styrkina.

18. feb. 2020Heilbrigðisráðuneytið, Heilbrigðismál, Líf og heilsa, Ræður og greinar

Traust heilsugæsla

18 febrúar 2020 / Heilbrigðisráðuneytið Traust heilsugæsla Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Nýlega kom út samantekt Heilsugæslu höfuðborgarsvæðisins þar sem fjallað er um þjónustu heilsugæslunnar, þróun hennar og árangur á árunum 2014-2019. Í samantektinni kemur meðal annars fram að aðgengi að þjónustu heilsugæslunnar hefur verið bætt til muna með nýjungum og breyttu skipulagi, sálfræðingar og sjúkraþjálfarar starfa nú á öllum heilsugæslustöðvum og skipulögð heilsuvernd fyrir aldraða er í sókn. Þessi þjónustuaukning er í takt við áherslu mína á eflingu heilsugæslunnar sem fyrsta viðkomustaðar fólks í heilbrigðiskerfinu

14. feb. 2020Heilbrigðisráðuneytið, Heilbrigðismál, Líf og heilsa

Þróun þjónustu Heilsugæslu höfuðborgarsvæðisins 2014 – 2019

Fjallað er um þjónustu Heilsugæslu höfuðborgarsvæðisins í máli og myndum, um þróun hennar og árangur, í nýrri samantekt á vef stofnunarinnar. Aðgengi að þjónustu heilsugæslunnar hefur verið bætt til muna með nýjungum og breyttu skipulagi, sálfræðingar og sjúkraþjálfarar starfa nú á öllum heilsugæslustöðvunum 15 og skipulögð heilsuvernd fyrir aldraða er í sókn. Um þetta og margt fleira má lesa um í samantektinni, auk tölfræðiupplýsinga um notkun þjónustunnar og hvernig hún hefur þróast frá ári til árs.

13. feb. 2020Heilbrigðisráðuneytið, Heilbrigðismál, Líf og heilsa

Landspítali, stærsta stofnun landsins, kominn með jafnlaunavottun

Landspítali hefur hlotið jafnlaunavottun samkvæmt jafnlaunastaðlinum ÍST85, í kjölfar úttektar Versa vottunar ehf. Í janúar síðastliðnum hlaut Sjúkrahúsið á Akureyri einnig jafnlaunavottun og nýverið bættist Lyfjastofnun í hóp þeirra stofnana heilbrigðisráðuneytisins sem hafa innleitt jafnlaunakerfi í samræmi við jafnlaunastaðalinn og hlotið jafnlaunavottun.

10. feb. 2020Ræður og greinar, Heilbrigðisráðuneytið, Líf og heilsa

Sjúklingar borga minna

Minnkun greiðsluþátttöku sjúklinga er eitt af þeim atriðum sem ég hef sett í sérstakan forgang í embætti heilbrigðisráðherra. Í fjármálaáætlun stjórnvalda til ársins 2024 eru 3,5 milljarðar króna sérstaklega ætlaðir til að draga úr kostnaði sjúklinga vegna heilbrigðisþjónustu og auka á móti framlög hins opinbera. Fyrir áramót kynnti ég áform um ráðstöfun 1,1 milljarðs króna af þeirri upphæð til að minnka greiðsluþátttöku sjúklinga á næstu tveimur árum.

05. feb. 2020Heilbrigðisráðuneytið, Líf og heilsa

Ásthildur Knútsdóttir skipuð skrifstofustjóri í heilbrigðisráðuneytinu

Svandís Svavarsdóttir heilbrigðisráðherra hefur skipað Ásthildi Knútsdóttur í embætti skrifstofustjóra á skrifstofu lýðheilsu og forvarna í heilbrigðisráðuneytinu til næstu fimm ára. Ráðherra skipar Ásthildi að undangengnu mati ráðgefandi nefndar sem metur hæfni umsækjenda. Niðurstaða nefndarinnar var að Ásthildur væri mjög vel hæf til að gegna starfinu.

05. feb. 2020Heilbrigðisráðuneytið, Heilbrigðismál, Líf og heilsa

Félagasamtökum úthlutað 95 m.kr. til verkefna á sviði heilbrigðisþjónustu

Svandís Svavarsdóttir heilbrigðisráðherra úthlutaði í gær 95 milljónum króna af safnliðum fjárlaga til félagasamtaka sem starfa að heilbrigðismálum. Að þessu sinni var áhersla lögð á verkefni tengd heilsueflingu aldraðra og kvennaheilsu. Alls hlutu 27 félagasamtök styrki til 32. aðskilinna verkefna sem miða að því að veita einstaklingum eða hópum stuðning, fræðslu og ráðgjöf.

04. feb. 2020Heilbrigðisráðuneytið, Líf og heilsa

Reglugerð til umsagnar: Viðurkenning á faglegri menntun og hæfi heilbrigðisstarfsfólks frá öðrum ríkjum EES

​Birt hafa verið til umsagnar drög að nýrri reglugerð heilbrigðisráðherra sem varðar viðurkenningu á faglegri menntun og hæfi heilbrigðisstarfsmanna frá öðrum ríkjum Evrópska efnahagssvæðisins og Sviss. Reglugerðin helst í hendur við frumvarp ráðherra menntamála um breytingu á lögum nr. 26/2010 sem miðast við að leiða í lög öll nauðsynleg nýmæli tilskipunar Evrópusambandsins 2013/55/EB hvað þetta varðar.