Efnisorð
Tegund

Leita eftir efnisorðum

Sýnir 5701–5750 af 13117
Raða eftir:
19. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 278/2019 - Úrskurður

Felld úr gildi ákvörðun Sjúkratrygginga Íslands um 5% greiðsluþátttöku vegna tæknifrjóvgunarmeðferðar kærenda og málinu vísað aftur til Sjúkratrygginga Íslands til nýrrar meðferðar. Úrskurðarnefnd velferðarmála taldi ákvæði reglugerðar nr. 1239/2018 fela í sér mismunun og beindi þeim tilmælum til stjórnvaldsins að rannsaka nánar hvort tæknifrjóvgunarmeðferð sem kærendur gengust undir hefði verið nauðsynleg einungis sökum krabbameinsmeðferðar kæranda.

19. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 449/2019 - Úrskurður

Örorkumat. Felld úr gildi ákvörðun Tryggingastofnunar ríkisins um að synja kæranda um örorkulífeyri og tengdar greiðslur og málinu vísað aftur til stofnunarinnar til nýrrar meðferðar. Úrskurðarnefndin taldi ljóst að misræmi væri á milli skoðunarskýrslu og annarra gagna sem fyrir lágu varðandi mat á andlegri færni kæranda.

19. feb. 2020Félags- og húsnæðismálaráðuneytið, Félags- og fjölskyldumál

Fjölbreyttari úrræði fyrir gerendur í ofbeldismálum

Ásmundur Einar Daðason, félags- og barnamálaráðherra, tók í dag við tillögum frá starfshópi sem hann hafði falið að að kortleggja og skilgreina þjónustuþörf fyrir gerendur í ofbeldismálum og þá sem eru í hættu á að fremja ofbeldisbrot. Þá var verkefni starfshópsins einnig það að leggja fram tillögur um viðeigandi úrræði og jafnframt með hvaða hætti mætti efla forvarnir og fræðslu með það að markmiði að koma í veg fyrir ofbeldisbrot.

17. feb. 2020Dómsmálaráðuneytið, Mannréttindi og jafnrétti, Fatlað fólk, Félags- og fjölskyldumál, Félags- og húsnæðismálaráðuneytið

Félags- og barnamálaráðherra undirritar Sáttmála Alheimssamtaka heyrnarlausra um rétt allra til táknmáls og veitir félagi heyrnarlausra styrk

Ásmundur Einar Daðason, félags- og barnamálaráðherra, undirritaði í dag Sáttmála Alheimssamtaka heyrnarlausra um rétt allra til táknmáls. Félag heyrnarlausra undirrituðu sáttmálann hinn 11. febrúar sl., á degi íslenska táknmálsins og 60 ára afmælisdegi félagsins, en alheimssamtök heyrnarlausra gáfu sáttmálann út á síðasta ári.

12. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Nr. 432/2019 - Úrskurður

Afhending gagna og upplýsinga. Felld úr gildi ákvörðun Tryggingastofnunar ríkisins um að synja kæranda um aðgang að upplýsingum um starfsfólk stofnunarinnar og þeim hluta málsins vísað aftur til stofnunarinnar til nýrrar meðferðar. Þeim hluta kæru sem varðar afgreiðslu Tryggingastofnunar ríkisins á beiðni um afrit af fundargerð og frekari gögnum um aðkomu lækna er vísað frá þar sem umbeðin gögn eru ekki til og því telst ekki vera um synjun stjórnvalds að ræða í skilningi 19. gr. stjórnsýslulaga.

12. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 394/2019 - Úrskurður

Felld úr gildi ákvörðun Sjúkratrygginga Íslands um bætur úr sjúklingatryggingu. Að mati úrskurðarnefndar velferðarmála verður 7. gr. skaðabótalaga ekki túlkuð með öðrum hætti en samkvæmt orðanna hljóðan og með þeim hætti að 7. gr. skaðabótalaga, leidd af meginreglu 1. mgr. ákvæðisins, kveði á um að miða skuli við tjónsdag við útreikning lágmarksárslauna samkvæmt 3. mgr. 7. gr. skaðabótalaga.

12. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 255/2019 - Úrskurður

Ofgreiddar bætur. Felld úr gildi ákvörðun Tryggingastofnunar ríkisins um endurreikning og uppgjör á tekjutengdum bótum. Úrskurðarnefnd velferðarmála taldi hagnað af atvinnustarfsemi kæranda standa í svo nánu sambandi við reiknað endurgjald af atvinnustarfseminni að ekki væru rök til þess að telja hagnaðinn hafa fallið til á öðru tímabili heldur en hið reiknaða endurgjald

12. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 454/2019 - Úrskurður

Heimilisuppbót. Felld úr gildi afgreiðsla Tryggingastofnunar ríkisins á umsókn kæranda um heimilisuppbót og upphafstíma greiðslna heimilisuppbótar til kæranda breytt vegna ársins 2018, þar sem ekkert í gögnum málsins gaf til kynna að kærandi hefði ekki verið einn um heimilisrekstur á umræddu tímabili. Staðfest ákvörðun stofnunarinnar um greiðslur til kæranda vegna ársins 2019.

12. feb. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 318/2019 - Úrskurður

Örorkumat. Staðfest afgreiðsla Tryggingastofnunar ríkisins á umsókn kæranda um örorkulífeyri. Fallist var á þá niðurstöðu Tryggingastofnunar að greiðsluhlutfall örorkulífeyris til kæranda skyldi vera 65,70%. Þá taldi úrskurðarnefndin ekki tilefni til þess að gera athugasemdir við að fjárhæð greiðslna frá Tryggingastofnun til kæranda skertust vegna íslenskra lífeyrissjóðstekna og slysabóta.