Athugið: Þessi frétt er meira en 5 ára gömul.
18. janúar 2019 /
Innviðaráðuneytið
Utanríkisráðuneytið
Sendiráð Íslands í Tókýó
Heimasendiherrar

Samkomulag við japönsk yfirvöld greiðir fyrir beinum flugsamgöngum

Við undirritun samkomulags um að greiða skuli fyrir beinum flugsamgöngum milli Íslands og Japans.
Við undirritun samkomulags um að greiða skuli fyrir beinum flugsamgöngum milli Íslands og Japans.

Sendinefnd utanríkisráðuneytis og samgöngu- og sveitarstjórnarráðuneytis áttu viðræður við fulltrúa samgönguráðuneytis Japans í Tókýó í gær um gagnkvæm loftferðasamskipti.

Á fundinum náðist samkomulag sem greiðir fyrir beinu áætlunarflugi milli Íslands og Japans, auk frekari möguleikum á leiguflugi. Jafnframt var ákveðið að löndin skyldu ræða áfram um mögulegan loftferðasamning milli landanna.

Að auki áttu fulltrúar íslenskra flugrekenda fundi með japönskum flugfélögum. Á þeim fundum kom fram vilji til aukins samstarfs.

Var efnið hjálplegt?